نت شخص متردد؟؟؟؟؟ كتير بتحتار فى امورك , ومبتخدش قراراتك بسرعة , و بعد متاخد قراراتك بتندم عليها ؟؟؟بتحس دايما بتانيب الضمير, متردد دايما فى قراراتك وده بيسببلك مشاكل كتييير و فرص كتيرة بضيع منك بسبب ترددك.......عااااوز تبقى شخص واثق من نفسك ....يالا كلنا نقول وداعا للتردد مع البرمجة اللغوية العصبية .......التردد معناه ان فيه مشكلة معينة و فيه اكتر من حل المفروض تختار بينهم.... و علشان تعالج التردد ده لازم الاول ننظر للمشكلة بتاعتنا على انها مشكلة سهلة و بسيطة يعنى معنى كده اننا نبسط الامور و ننظر للامور من ناحية تفاؤلية اكتر, و الابحاث اثبتت ان الانسان لما ينظر للشئ السلبى على انه شئ ايجابى , فان نظرته الايجابية و التفاؤلية ستتحقق , يعنى سيتحول الشئ السلبى لشئ ايجابى بالفعل।، يقول تعالى: (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [البقرة: 216]।ايه رأيك كل يوم قبل متنام و اول متصحى تقرا الاية دى !!!! صدقينى مش حتاخد خمس دقائق منك , لكن حتشوف الفرق فى حياتك و فى علاج التردد , بس تقراها بتدبر و بفهم و تحس بكل حرف فيها و تحاول تتطبق الاية دى على مواقف حصلتلك زمان و عرفت بعد كده انك كنت مخطئ فى اختيارك , علشان يزيد عندك التسليم لله سبحانه ......فلو سلمنا امرنا لله فى الاختيار , حيروح مننا التردد , لاننا استعنا فى الاختيار بالله , فاكيد حيختارلنا الشئ الصح و إللى فيه خير لينا و لو كانت الامور بتظهر عكس كده فى الاول , لكن مع مرور الوقت بنعرف ان الخير فى إللى ربنا اختاره لنا .... علشان كده ايه رايك لو انت متردد فى اى حاجة , او فى اى قرار مفروض تتأخذه ,انك تتوكل على الله و تصلى صلاة الاستخارة و تطلب من الله تعالى انه يختارلك و تتجنب هواك و تسلم امرك لله و تتيقن ان الخير هو إللى حيختارهولك سبحانه و تعالى , وبكده مش ممكن حتتردد فى اى امر تانى و مش ممكن حتندم على حاجة ....تانى حاجة علشان تعالج التردد بالبرمجة اللغوية العصبية , انك كل يوم قبل النوم ب عشر دقايق و بعد الاستيقاظ من النوم علشان دول الاوقات إللى العقل الباطن بيستوعب فيهم اكتر , تجلس لوحدك فى هدوء و تتنفس بعمق و تخرج النفس ببطء و بهدوء و على فترات و تكرر ده كذا مرة لغاية متسترخى خالص او تسمع بعض ايات القران الكريم علشان تشعر بالراحة و السكينة و الطمانينة و تبتدى تخاطب نفسك بصوت عالى " التردد ده بيضيع منى فرص كتيرة و ممكن اندم عليها بعد كده " , " انا عندى ثقة فى نفسى و فى اتخاذى للقرارات " , "انا متحمل نتيجة قرارتى" , " مهما اتخذت من قرارت فكل شئ مكتوب و بمشيئة الله" , " انا مستعين بالله و هو سبحانه حيعطينى الخير دايما"و بكده تكون عالجت ترددك بالبرمجة اللغوية العصبيةو جرب خذ قرارت و اتحمل نتيجتها و متندمش عليها , وده حيربى عندك الثقة بالنفس و تحمل المسؤلية ... بس اهم شئ تعود نفسك انك تأخذ قرارت و متندمش عليها و تتحمل النتائج بصدر رحب مهما كانت العواقب ده طبعا بعد استخارك لله....و اسأل الناس و خذ رايهم و لكن استخارة الله اهم شئ للطمانينة و الثقة بالنفس و اهم شئ كمان ان يكون عندك رضا بأن و قناعة باى شى عطهولك ربنا....و متنساش دعوة الثلث الاخير من الليل ان ربنا يعينك على امورك و يختارلك الخير و يخلصك من الترددو متنساش كمان الاستغفار لانه مفتاح الاقفال.....
