بنسمع كتير ايام الامتحنات جمل زى " الامتحان كمان اسبوع انا مش هلحق " او " انا عندى مواد بالهبل انا ماذاكرتش حاجه من اول السنة انا ساقط ساقط "وحاجات من دي كتير
طيب مش هقولك كلهم غلط لكن هقولك سمعت الحديث القدسي الى بيقول ربنا فيه( انا عند ظن عبدى بي ) طب سمعت عن ( قانون الجذب ) طب سمعت عن ( البرمجة العقلية ) طب سمعت عن ( تفاءلو الخير تجدوه ) طب سمعت عن (قدرات الانسان لا يمكن تقديرها ولا تخيلها وانها لا محدوده ) طب سمعت ان( احب حاجه لله انك لما تعمل عمل تتقنه )
انت متخيل انك ماتقدرش..
تلم كل حاجه عشان ضيعت وقت ؟ مين قالك كده ربنا فضلك بالعقل البشرى ده اعجوبه ! ...طبعا انت هتقول لنفسك مافى ناس بتذاكر وبتطحن نفسها من اول السنة وانا قاعد واحضر احيانا ماحضرش احيانا ربنا هيساوى بينى وبينهم وانجح وكمان اجيب تقدير هقولك انت مالك؟؟ انت اعمل الى عليك مش يمكن لما ربنا يمتحن قلبك ويشوف صدق نيتك وعملك الجامد تجيب احسن مليون مره من اللى طحن نفسه سبحانه مقسم الارزاق ماتقارنش نفسك بحد خالص !ركز فى اغتنام ماتبقى.. اشتغل وركز على نفسك اوى خليك فى نفسك واعلم ان قدراتك تفوق خيالك وكل ماعملك كان متقن هتخلص اسرع وافيد وتبقى قدام ربك عملت الى عليك ..ابدا حالا وبطل ترسل رسايل سلبيه لنفسك
2.( ركز علي الهدف الاكبر لازالة التوتر )
يجب ان تعتقد في نفسك ان الامتحان مش هدف في حد ذاته لو عديته تبقي نجحت ولو معدتش تبقي فشلت ... ولكنه مجرد وسيلة لهدف اسمي وهو ان اتخرج في كليتي مثلا او الحصول علي درجة علمية معينة وبكده تحرر عقلك من الضغط العصبي الهائل لما تركز علي هدفك النهائي ويصبح الامتحان مجرد وسيلة لا غاية فتكون اكثر تركيزا وهدوءا لأن العقل البشري بتقل قدرة استيعابه للمعلومات واسترجاعها بنسبة 80%في حالات الضغط العصبي وده بيفسر نسيان بعض الطلبة للاجابات عند استلام ورقة الامتحان بسبب التوتر وتذكرها بالكامل بمجرد الخروج من الامتحان بسبب زوال التوتر
3. ( ممنوع السهر لوقت متاخر ليله الامتحان )
فى ناس مش بتنام خالص او بتنام ساعتين بس ودا غلط جدا ..النوم نص الموضوع ويخلي قدرة استرجاع المعلومات اعلي حتي لو مش مذاكرها قريب ممكن تفتكرها لو نايم كويس
ممكن تنام بدرى وتصحى الفجر او قبل الفجر وبعدين تصلى وتراجع مراجعه اخيره الوقت دا فيه بركة غير عادية لأن الكورتيزون بيكون في اعلي معدلاته بعد الفجر ولمدة ساعتين فالمخ بيكون في غاية التركيز والاسترخاء
4. ( صلى ركعتين صلاه الحاجه )
وادعى ربنا يوفقك الركعتين دول هيطمنوك جدا وهيهدوا القلق اللى عندك
5. ( ولازم تفطر قبل ما تنزل الامتحان )
لان معظم الطلبه مش بترضى تاكل حاجه وده غلط لأن المخ غذاؤه الرئيسي هو الجلوكوز
فخلى معاك عصير حتي او اى حاجه حلوه لو حسيت بصداع او جعت كلها
6. ( لما تستلم ورقة الاسئلة )
سم الله وابدا اقراها بهدوء وركز فى عنوان السؤال لتعرف المطلوب بدقه
ان لا قدر الله وجدت سؤال لا تتذكر اجابته لا تقلق واختر السؤال الذى تتذكره وابدأ الاجابة
لان هذا يؤدى الى استدعاء المعلومات وبتكون حفزت نفسك لما تجاوب ولو سؤال واحد فتبقي اكثر هدوءا فتقدر تفتكر حاجات كنت نسيتها مع التوتر وهتلاقى نفسك بتفتكره بفضل الله
7. ( حاول ان تكون اجابتك بشكل منظم وقسم الوقت علي الاسئلة )
وحط علامة صح امام السؤال عند انتهائك من اجابته حتى لا تنسى اجابه اى سؤال واذا وجدت سؤال لا تعرف اجابته او لا تتذكره قل هذا الدعاء(اللهم لا سهل إلا ما جعلته سهلا وأنت تجعل الحزن إذا شئت سهلا ) و حاول ان تقسم وقت الامتحان على الاسئله وتترك وقتا للمراجعه فقد يكون الامتحان فى بعض الاحيان طويل و ممكن الوقت يسرقك لو مخدتش بالك
واخيرا ادعو لكم بالتوفيق والحصول على اعلى التقديرات...
انشرها ليستفيد كل الطلاب .. ^_^
