الراحة النفسية
انت عارف ان التقنية دى اكتشفها الغرب مؤخرا, و بدأوا يستخدموها فى العلاج , بس تعالى نشوف ازاى نستخدم التامل بطريقتنا و فى حدود ديننا الاسلامى الجميل , لان فى الاساس التامل مفروض احنا الاولى باستخدامه , علشان مفيش اجمل والا افيد من التامل فى صنع الله و التامل فى خلق الله....
لو انت عاوز راحة بال ؟؟ و هدوء اعصاب ؟؟ و حل لجميع مشاكلك النفسية؟؟ عاااوز تريح جسمك ؟؟ و تخفف من الامه الجسدية و النفسية ؟؟ ............... يبقى انصحك بالتامل ।
شوف كل يوم بيمر عليك ,أد ايه كمية الانفعال و التوتر إللى بتتعرضلها , وأد ايه انت مشغول و دماغك فيها مليون حاجة مفروض تعملها , ومليون قكرة عاوز تفكر فيها و مليون قرار مفروض تتخذوه !!!!! ممكن تدى لنفسك ولروحك ولجسدك عشر دقايق راحة , عشر دقايق تامل , عشر دقايق تنسى فيهم هموم ومشاغل الدنيا .......
ايه ممكن تبخل على نفسك بعشر دقايق؟؟؟؟؟!!!!! مين فينا ميحبش يحس بالراحة و يغير و يجدد حياته ؟؟؟؟؟
خلاص قررت تتامل ؟؟؟ طب عااوز تعرف الطريقة .....حقولك بس توكل على الله و يالا بينا نشوف ازاى ممكن نعالج نفسنا بالتامل و بالبرمجة اللغوية العصبية .....
اول حاجة لو نويت انك تأخد راحة عشر دقايق , روح علطول لمكان هادى وياحبذا لو تروح للبحر و تقعد قدامه بس اوعى تروح فى الشتاء طبعا ..... و تبتدى تاخد نفس عميق و تطلعه ببطء لمدة خمس دقايق و بعدين تغمض عينيك لمدة خمس دقايق كمان و بعدين تفتح عينيك و تركز على مكان واحد علشان يزيد التركيز والتامل عندك ,و تحاول متفكرش فى اى حاجة خالص , يعنى متشغلش عقلك الواعى باى شئ, و دلوقتى فيه اربع طرق للتامل ؟؟؟!!! اختار الانسب ليك , بس لازم تواظب على كل طريقة كل يوم ....
اول طريقة : التامل بذكر الله: معناها انك تقعد تذكر ربنا و تنسجم مع الذكر ده و تسبح قى بحور ذكر الله و تكرر النوع الواحد من الذكر كذا مرة و بثبات وانت بتتنفس بهدوء و تفكر فى الكلام إللى بتقوله , وكمان و انت بتذكر الله استشعر عظمة وجمال الله و حتحس ان ربنا يقدر سبحانه يحللك كل مشاكلك مهما كانت كبيرة " الا بذكر الله تطمئن القلوب" , و متنساش انك كده كمان بتاخد ثواب كبير و ربنا حيفتحلك كل ابواب الرزق فربنا سبحانه و تعالى قال " فذكرونى اذكركم "......
ثانى طريقة : التامل بقراءة القران : ودى معناها انك بعد طبعا متهيء نفسك للتامل تعقد تكرر ايات او سور انت حفظها من القران و تسبح بخيالك فى معانيها و تتخيلها و تحاول تتفكر فى نعم الله و انت بتقراه الايات دى .....
وثالت طريقة : التامل فى صنع الله : و الطريقة دى مفيدة جدا و مجربة : وانت اكيد جربتها قبل كده حقولك ازاى ؟؟؟ اكيد مرة من المرات كنت قاعد قدام البحر فى الصيف و الشمس بتغرب ,وحسيت انك فى حالة هدوء و صفاء ذهن و لما تروح لبيتك بتحس انك سعيد و متفاؤل ...
روح فى اى مكان فى ارض الله الواسعة و شوف جمال الطبيعة من حواليك او شوف مخلوقات الله و تدبر فى صنع و خلق الله و دور على جمال صنع الله حواليك و تفكر فى صنع الكون و فى السموات و الارض و اكيييد حتنسى همومك واحزانك و انا باكدلك ده كمان و جرب و مش حتخسر حاجة .......
و لو مش قادر تروح لاى مكان .... عندى الحل !!!!!!!!!!
فيه فى التليفزيون قنوات مخصصة عن الطبيعة و الحيوانات و اعماق البحار اقعد قدامها و تامل صنع الله و سبح بحمد الله زى مكل المخلوقات دى بتسبح من حواليك , بس لازم تركز و انت بتتفرج عليها و متفكرش فى اى حاجة تانية و حاول تنسى الدنيا بمشاكلها ولو لدقيقة ..... و المهم ميكنش جنبك اى صوت يزعجك .... و ممكن تتامل السماء بالليل و النجوم و القمر , وانت حتحس بالسكون و الطمانينة.........
رابع طريقة : التامل بالخشوع فى الصلاة: الخشوع فى الصلاة مهم جدا و بيخليك فى لحظة تامل فى الله , عاوز ايه اكتر من انك تقف قدام الله و تحس انه سمعك و ممكن تشكيله همومك و تفكر فى كل كلمة وحركة بتعملها فى الصلاة , يعنى تخشع فى صلاتك و حتشوف بعدها اد ايه انت حاسس بطمانينة وانشراح صدر .....
و اثبتت الدراسات مؤخرا ان التامل بيزيد من قدرة الذاكرة و يقوى الانتباه و يعالج الوسواس و الفصام و الام الجسم و اضطرابات القلب لان الخشوع و التامل بيعالج اى خلل فى الدماغ
و السلام عليكم ورحمة الله وبركاته.......
